冬日之選--木瓜

 要防感冒，就要靠維他命Ｃ
木瓜除左可以豐滿身材外，其實還有豐富的維他命Ｃ，不只係女性，亦係大家的恩物。

早兩天回暖，今日氣溫又驟降，明乎其實的乍暖還寒。
身邊的人總有幾聲＂咳＂。又要煲湯水滋潤一番。
媽媽愛下廚，身為她的愛兒，亦得到不少真傳，被心血來潮的孝順突襲，今晚就＂露返兩手＂

愛心木瓜湯

材料：
豬骨　　　　　　一斤
木瓜　　　　　　２個
紅蘿蔔　　　　　一個
蜜棗　　　　　　４粒
雪耳　　　　　　適量

木瓜買煲湯木瓜，即係未熟透，外表還是青色的，因為避免太甜，以及由於要煲，避免易爛

１木瓜-用湯匙刮走外面既皮

　然後再將入面的籽及囊去掉

　緊記把內裹的那條＂根＂去掉，不然會苦！！！

２雪耳－要浸，浸肣後，把眼見的黑色都去掉，尤其它的＂頭＂ 

３紅蘿蔔－去皮，切大舊

４豬骨－飛水一次

大約水至大半煲，水滾後，先下豬骨，再等水滾，下所有材料，煲約一小時三十分鍾

味道：清甜潤喉，木瓜味唔會好重，不太喜愛木瓜的人亦可一試。
雖然未盡得真傳，不知是＂俾面＂，還是真的味道好，媽媽亦喝了３大碗，認真捧場！

中國人一向內憸，表達愛意對於中國人來說簡直係一大難題。
２月係愛的季節，見到街上面既商鋪都充滿有關＂愛＂的商品。
其實要表現愛，唔一定要華麗的物質，都唔一定講果３個字，簡單一碗湯，已經點滴在心頭。
把最好的，給最好的。